Haxhiu dënon sulmin ndaj Valon Sylës: Veprim i papranueshëm dhe i patolerueshëm

12:34 | 12 Prill 2023
E.H

Ministrja e Drejtësisë, Albulena Haxhiu, e ka cilësuar si të papranueshëm dhe të dënueshëm sulmin e mbrëmshëm ndaj gazetarit Valon Syla.

Në konferencë për media, Haxhiu tha se e dënojnë ashpër një veprim të tillë.

“Desha të shpreh indinjatën tonë ndaj sulmit të mbrëmshëm ndaj gazetarit dhe opinionistit Valon Syla, e dënojmë ashpër një veprim të tillë të dëmshëm dhe të dënueshëm”, tha Haxhiu.

Ajo kërkoi nga Policia dhe Prokuroria që ta trajtojë me seriozitet këtë sulm dhe gjitha sulmet tjera ndaj gazetarëve.

“Ky veprim është i papranueshëm, i pa tolerueshëm dhe i dënueshëm. Urojmë që organet e rendit ta bëjnë punën e tyre me seriozitet ndaj këtij rasti dhe ndaj gjithë gazetarëve, sepse liria e shprehjes është e shenjtë dhe e garantuar me ligj dje Kushtetutë. I urojmë shërim të shpejtë Valon Sylës”, tha Haxhiu./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm